Сайри Наврӯз дар Русия

Душанбе, 27 март. (АМИТ «Ховар»). – Дар якчанд вилояти Федератсияи Русия ба ифтихори иди байналмилалии Наврӯз чорабиниҳои идона роҳандозӣ шуданд. Назар ба хабари дафтари матбуоти Намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия, ин чорабиниҳо бо мадади Намояндагии Хадамоти муҳоҷирати ҶТ ва ибтикороти созмони ҷамъиятии минтақавии «Ҷамъияти фарҳанги тоҷикон» ва дастгирии маъмурияти вилояти Твери Федератсияи Русия сурат гирифтанд, ки дар онҳо намояндагони маъмурияти вилояту шаҳри Твер, ҷамоаи тоҷикон, созмонҳои ҷамъиятӣ ва васоити ахбори омма иштирок доштанд.Дар ҳошияи иди Наврӯз устодони санъати тоҷик барномаи консертиро бахшида ба сулҳу дӯстӣ ва меҳру муҳаббат ба Ватан намоиш доданд. Ғайр аз ин мусобиқаи гӯштингирӣ барои дарёфти Ҷоми раиси вилояти Твер баргузор гардид, ки дар он намояндагони клубҳои номдори варзишии вилояти Твер, шаҳрҳои Санкт – Петербург, Маскав, Ҷумҳурии Доғистон ва минтақаҳои дигари Русия иштирок доштанд.