Сари вақт иттилоот дастрас мегардад

Душанбе, 28 март. (АМИТ «Ховар», Покиза Маҳмадбекова). — Имрӯз дар Душанбе ҷаласаи 11-уми вазирони корҳои хориҷии кишварҳои узви Муколамаи ҳамкориҳои Осиё (МҲО) ба кори худ шурӯъ кард. Бояд гуфт, ки дар Бонки миллии Точикистон маркази матбуотии ин чорабинии байналмилалӣ ташкил шудааст. Ба мухбири АМИТ «Ховар» роҳбари Хадамоти матбуоти БМТ Абдуғаффор Қурбонов иттилоъ дод, ки барои инъикоси чорабинии мазкур. сари вақт дастрас намудани маълумоти кофӣ аз ҷараёни он ва таҳияи мақолаву гузоришхо дар маркази матбуот барои рӯзноманигорон шароитҳои мусоид фароҳам оварда шудаанд. А. Қурбонов афзуд, ки намоядагони васоити ахбори оммаи дохилию хориҷӣ бо истифода аз ин имкониятҳои мавҷуда, аз ҷумла 40 компютери ҳозиразамони пайваст ба шабакаи интернетӣ, 10 компютер бо шабакаи интернетии вайфай ва мониторҳои калонҳаҷм барои тамошои ин ҷаласа, телефонҳо ва факсҳои байналмилалӣ метавонанд, ки ахбори заруриро сари вақт дар рӯзномаю маҷаллаҳо ва радиою телевизион пахш намоянд.