Қатар ба рушди футболи Тоҷикистон кӯмак мекунад

Душанбе, 15 апрел. (АМИТ «Ховар», Баҳманёр Муродов). — Ҳайати намояндагони Ассотсиатсияи футболи Қатар бо сарварии Ҳамад бини Халифа Ал – Танӣ бо сафари якрӯза ба Душанбе омада, бо Раиси ФФТ Рустами Эмомалӣ мулоқот кард. Дар ин бора ФФТ иттилоъ дода афзудааст, ки ҷонибҳо дар ин мулоқот масоили рушди футбол дар Тоҷикистону Қатарро баррасӣ намуданд. Ассотсиатсияи футболи Қатар барои расонидани кӯмакҳои техникӣ дар соҳаҳои гуногуни рушди футболи Тоҷикистон чун пешрафти футболи кӯдакону наврасон, омода намудани мураббиён ва ташкили курсҳои такмили ихтисос барои онҳо, гузаронидани бозиҳои дӯстона изҳори омодагӣ кард.