«Ҳафтаи китоби кӯдакону наврасони Тоҷикистон» оғоз шуд

Душанбе, 2 апрел. (АМИТ «Ховар», Зарангез Латифова).- Имрӯз бо ташаббуси Вазорати фарҳанг дар назди бинои китобхонаи нави бачагона ба номи адиби шинохта Мирсаид Миршакар фестивали ҷумҳуриявии «Ҳафтаи китоби кӯдакону наврасони Тоҷикистон» оғоз гардид. Дар фестивали мазкур вазири фарҳанги ҷумҳурӣ Мирзошоҳрух Асрорӣ, вазири маорифи кишвар Нуриддин Саидов ширкат варзида, аз дастоварду эҷодиёти хонандагони пойтахт, ки ба намоиш гузошта шуда буданд, дидан намуданд. Бояд гуфт, ки дар ин фестивал ҳамчунон адибону нависандагони маъруфи кишвар иштирок намуда, эҷодиёти хешро ба намоиш гузоштанд. Ёдовар мешавем, ки тӯли фестивал ҳамарӯза дар назди бинои китобхона адибони шинохта бо кӯдакону наврасон суҳбатҳо мегузаронанд.