Дар се моҳ — 55 корхона

Душанбе, 9 апрел. (АМИТ «Ховар», Баҳманёр Муродов).-Дар давоми се моҳи аввали соли ҷорӣ дар қаламрави вилояти Суғд 55 корхонаи хурду миёна ба истифода дода шуда, аз ин ҳисоб тақрибан 1100 нафар шаҳрванд бо ҷойи кор таъмин шуд. Дар ин бора хадамоти матбуоти раиси вилояти Суғд иттилоъ дода, афзудааст, ки ин корхонаҳо асосан ба истеҳсоли маҳсулоти қаннодӣ, гӯшту шир, орду макарон, нӯшокиҳои ташнашикан, равғани растанӣ, навъҳои гуногуни мебел, дару тирезаҳои чӯбиву пластикӣ, коркарди шоливу ғалла, пӯсти чорво ва дигар маҳсулоти мавриди ниёзи мардум нигаронида шудаанд.Ҳамчунин гуфта мешавад, ки соли ҷорӣ дар қаламрави вилоят ба истифода супоридани 120 корхонаи нав ва муҳайё намудани 5000 ҷойи нави корӣ барои шаҳрвандон ба нақша гирифта шудааст.