Хизмат ба Ватан -вазифаи муқаддас

Рашт,16 апрел.(АМИТ «Ховар», Мирзосафар Ризвонов).- Даъвати ҷавонон ба сафи Қувваҳои Мусаллаҳи Ҷумҳурии Тоҷикистон ва таъмини саривақтии нақшаи он дар ноҳияи Рашт дар сатҳи баланд қарор дорад. Мақомоти иҷроияи ҳокимияти давлатии ноҳия, комиссариати ҳарбӣ ва раисони ҷамоатҳои шаҳраку деҳот дар ҳамкории зич пеш аз мавсими даъват дар байни аҳолӣ? бахусус ҷавонон корҳои фаҳмондадиҳӣ бурданд. Натиҷаи ҳамин буд, ки сафи ихтиёрон барои хизмат дар Артиши миллӣ нисбат ба соли гузашта бамаротиб афзуд.Дар маросими гусели сарбозони навхат, ки 51 нафарро ташкил медод раиси ноҳия Саидумрон Абдураҳмонов гуфт, ки ҳифзи марзу буми кишвар вазифаи муқаддаси ҳар шаҳрванд маҳсуб меёбад. Ин мактаби ҳаёт, зиндагӣ, ҷасорат ва мардонагист. Биёед аз ин мактаби бузург наҳаросида, омодаи хизмат ба Ватан-модар бошем.