Идомаи «Насли созанда» дар пойтахт

Душанбе, 19 апрел. (АМИТ «Ховар», Дилшодаи Хайруллоҳ).- Тавре ки қаблан иттилоъ дода шуд, бо мақсади баланд бардоштани руҳияи ватандӯстӣ, тарғиби арзишҳои фарҳанги миллӣ, фароҳам овардани имконияти васеи қонеъ гардонидани талаботи маънавӣ ва густурда сохтани нақши ҷавонон чун нерӯи созандаи ҷомеа, Ҳизби Халқии Демократии Тоҷикистон ва Ташкилоти ҷамъиятии ҷавонон «Созандагони Ватан» аксияи «Насли созанда» -ро роҳандозӣ намуда истодааст.Аксияи мазкур чанде пеш дар вилоятҳои Хатлон ва Суғд баргузор гардида, рӯзи 20 апрели соли 2013 он дар пойтахти кишвари азизамон шаҳри Душанбе таҳти шиори Ҳизби Халқии Демократии Тоҷикистон «Барои созандагӣ ва рушди босуботи Тоҷикистон» идома меёбад.Дар доираи чорабиниҳои аксияи ҲХДТ, ки ба таҷлили Рӯзи пойтахт рост меоянд, дар чор ноҳияҳои пойтахт (боғҳои фароғатию фарҳангии ба номи С.Айнӣ, Дӯстии халқҳо, Кӯли Комсомол ва майдони 800- солагии шаҳри Маскав) рӯзи 20 апрели соли 2010 аз соати 9 то 12. 30 чорабиниҳои мухталиф, аз қабили намоишгоҳҳои ҳунарҳои бадеӣ, дастовардҳои навоварону ихтироъкорон дар асоси технологияи нав ва компютер, намоиши эҷодиёти рассомони ҷавон ва консерти ситораҳои санъати тоҷик баргузор мегарданд.Аксия дар дигар манотиқи кишвар низ идома хоҳад ёфт.