Консепсияи бунёди иншооти маъмурӣ дар маркази шаҳр
Душанбе, 17 апрел.(АМИТ «Ховар», Марзия Саидова).- Консепсияи рушди меъморӣ ва ҷойгузинии иншоот дар қисмати марказии шаҳр бо инобати майдони «Дӯстӣ» дар ҷаласае, ки имрӯз таҳти раёсати раиси шаҳри Душанбе Маҳмадсаид Убайдуллоев баргузор гардид, баррасӣ шуд. Дар ҷаласа, ки меъморони варзидаи ҷумҳурӣ, аъзои Шӯрои шаҳрсозии пойтахт ва масъулини Агентии сохтмон ва меъмории назди ҳукумати ҷумҳурӣ ширкат доштанд, консепсияҳои тарҳрезикардаи пажуҳишгоҳҳои лоиҳакашии ватанӣ ва пудратчии анҷоми корҳои тасҳеҳи нақшаи генералии амалкунандаи шаҳр ҶСШК «Гипрогор»-и шаҳри Маскав ба муҳокимаи мутахассисон пешниҳод гардиданд. Зимни муҳокимаҳои тӯлонии консепсияи бунёди иншооти маъмурӣ дар қисмати марказии шаҳр, аз буриши кӯчаи Теҳрон то кӯчаи Шотемур дар маҷмуъ ҷонибдорӣ гардид. Таъкид шуд, ки шаҳрдорӣ танҳо баъди тасдиқи консепсияҳои мазкур аз ҷониби Роҳбари давлат омодааст миёни пажуҳишгоҳҳои лоиҳакашии ватанию хориҷӣ озмуни кушод эълон намояд. Мавриди зикр аст, ки дар марҳилаҳои қаблии баррасии консепсияҳои мазкур беш аз 18 лоиҳаи мухталиф аз ҷониби мутахассисони ватанӣ ва хориҷӣ пешниҳод гардида буд, ки бештари муаллифонро меъморони ҷавон ташкил медоданд.
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
Дар деҳаи Фатмеви ноҳияи Айнӣ муассисаи таълимӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
«Истиқлоли Тоҷикистон ва эҳёи пайвандҳои таърихию фарҳангии мардумони ориёитабор». Дар ин мавзуъ ҳамоиши илмӣ баргузор мешавад
35-СОЛАГИИ ИСТИҚЛОЛИ ДАВЛАТӢ. Бо иштироки кормандони вазорату идораҳо дар Душанбе ҳашари ободонӣ ва тозакорӣ баргузор шуд
Судяҳои Тоҷикистон дар Остона дар конфронси байналмилалӣ иштирок намуданд
ИСТИФОДАИ САМАРАНОКИ ЗАМИН. Сокини ноҳияи Ҷайҳун дар замини наздиҳавлигияш киштро барои ҳосили дуюм оғоз намуд
Имкониятҳои сайёҳии Тоҷикистон дар 14-умин Намоишгоҳи байналмилалии сайёҳии Макао муаррифӣ мегарданд
Нақшаи даъвати баҳории шаҳрвандони Тоҷикистон ба сафи Қувваҳои Мусаллаҳ беш аз 80 фоиз иҷро гардид
Ҳайати Тоҷикистон дар ҷаласаи Гурӯҳи кории минтақавӣ оид ба моликияти зеҳнӣ иштирок намуд
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Дар Хуҷанд сеюмин Фестивал-намоишгоҳи байналмилалии донишгоҳҳои давлатҳои хориҷӣ дар Ҷумҳурии Тоҷикистон – 2026 баргузор гардид
