Масоили имрӯзаи табобат бо гиёҳҳои шифобахш

Душанбе, 2 апрел. (АМИТ «Ховар», Кристина Эрлих). – Чанде пеш дар шаҳри Маскав Анҷумани сеюми байналмилалии мутахассисони бахши табобат бо гиёҳҳои шифобахш ва гиёҳшиносон дар мавзӯи «Масоили имрӯзаи табобат бо гиёҳҳои шифобахш ва гиёҳшиносӣ» анҷом ёфт.Дар ҷараёни анҷуман ҷаласаҳои умумӣ ва симпозиумҳо дар мавзӯъҳои фармакологияи амалӣ, муолиҷаи беморон бо истифода аз гиёҳҳои шифобахш ва ғайра доир шуданд. Аз ҷониби Ҷумҳурии Тоҷикистон дар анҷуман академик, раиси Ассотсиатсияи гиёҳшиносон ва табибони мардумии Тоҷикистон доктор Муллозуҳур Тоҳирӣ ширкат дошт. Муллозуҳур Тоҳирӣ зимни суханрониаш дар бораи таърихи муолиҷа бо гиёҳҳои шифобахш ва истифодаи ин усули тиббӣ дар бахши кардиология нақл карда, аз ҷумла зикр намуд, ки муолиҷа бо истифода аз гиёҳҳои шифобахш усули қадимии табобат ба шумор меравад.