Об барои ҳаёт

Душанбе, 1 апрел. (АМИТ «Ховар», Назир Назиров).-Баҳри татбиқи чорабиниҳои Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба ҷашнгирии соли 2013 ҳамчун «Соли байналмилалии ҳамкорӣ дар соҳаи об», таҷлили «Рўзи умумиҷаҳонии об», татбиқи сиёсати экологии Ҷумҳурии Тоҷикистон ва баланд бардоштани маърифату фарҳанги экологии муаллимон ва донишҷўён перомуни ҳифзи муҳити зист ва истифодаи оқилонаи захираҳои табиӣ 30 марти соли равон аз ҷониби маркази ахбори экологии кумита якҷоя бо Муассисаи давлатии маркази илмию тадқиқотии ҳифзи захираҳои об дар факултаи геологияи Донишгоҳи Давлатии Тоҷикистон дар мавзўи «Об барои ҳаёт» конфронси илмию амалии олимону донишҷўён гузаронида шуд. Дар конфронс олимони кафедраи гидрогеологияи факулта К. Вазиров, А. Каримов, А. Восиев, донишҷӯёни курси 1Y Р. Фирӯзбахт, Б. Абдуллоев, М. Қурбонбекова ва дигарон дар мавзуъҳои «Тағйирёбии иқлим ва таъсири он ба манбаъҳои обӣ», «Инсон ва об», «Истифодаи оқилонаи захираҳои обӣ ва коркарди заминҳои обёришаванда», «Истифодаи оқилонаи захираҳои оби зеризаминӣ» маърўза карданд.