Омӯзиши Паёми Сарвари давлат

Қӯрғонтеппа, 30 апрел. (АМИТ «Ховар», Мурод Сотиев). – Кормандони фаъоли вилояти Хатлон Паёми Президенти Ҷумҳурии Тоҷикистон ба Парлумони кишварро меомӯзанд. Дар робита бо ин, раиси вилоятти Хатлон Ғайбулло Афзалов зикр намуд, ки ҳамаи вазифаҳои ба миёнгузоштаи Сарвари давлат ҳал карда мешаванд. Мавсуф ҳамчунин иброз дошт, ки дар Паём вазифаҳое зикр ёфтаанд, ки ба рушду шукуфоии минбаъдаи ҷумҳурӣ мусоидат мекунанд. Дар муҳокимаи Паём намояндагони соҳаҳои маориф, тандурустӣ ва иқтисодиёт иштирок менамоянд. Дар вилояти Хатлон бо мақсади ба аҳолӣ фаҳмонидани моҳияти Паёми Президенти кишвар Эмомалӣ Раҳмон ба Маҷлиси миллӣ ва Маҷлиси намояндагони Ҷумҳурии Тоҷикистон аз ҷумлаи фаъолони вилоят ва намояндагони он дар маҷлис гурӯҳҳои корӣ таъсис ёфтаанд.