«Оянда аз ту вобаста аст»

Душанбе,25 апрел. (АМИТ «Ховар», Фарзонаи Давлат)- Кумитаи ҷавонон, варзиш ва сайёҳӣ дар ҳамкорӣ бо ширкати мобилии «МегаФон Тоҷикистон» мусобиқаи футболи хурдро миёни хонандагони мактаб-интернатҳои кишвар таҳти унвони «Оянда аз ту вобаста аст» доир менамояд.Тавре ки дар ин бора аз Кумитаи ҷавонон, варзиш ва сайёҳӣ хабар доданд, дар он хонандагони солҳои таваллуди 1998-1999 ва 2000-2001 иштирок мекунанд.Гуфта мешавад, ки мусобиқа дар дар се марҳила: марҳилаи аввал дар сатҳи минтақавӣ ва вилоятӣ шуруъ аз имрӯз то 30 апрели соли ҷорӣ ва марҳилаи дуюм дар сатҳи ҷумҳуриявӣ 7-8 майи соли равон баргузор мешавад. Марҳилаи саюм дар сатҳи байналмилалӣ дар шаҳри Сочии Федератсияи Русия 24-29 майи соли равон баргузор мегардад.Дар назар аст дар мусобиқа дастаҳо аз вилояти Хатлон, Суғд, шаҳри Душанбе ва инчунин шаҳру навоҳии тобеи марказ иштирок намоянд.