Пешгирии садаманокӣ дар Муъминобод

Муъминобод, 24 апрел. (АМИТ «Ховар», С. Холов).-Кормандони шуъбаи Бозрасии Давлатии Автомобилии ноҳияи Муъминобод баҳри пешгирии садамаҳои нақлиётӣ, ошкор ва мусодираи яроқу аслиҳаи оташфишон ва лавозимоти ҳарбӣ, инчунин баланд бардоштани интизоми меҳнат дар корҳои назоратӣ корҳои назаррасеро ба анҷом расонида, дар ин самт чораҳои фаврӣ мебинанд. Бинобар иттилои сардори шуъбаи мазкур майори милитсия Абдусалом Искандаров дар се моҳи соли ҷорӣ бо мақсади пешгирии садаманокӣ ва дигар намуди қонуншиканиҳо нозирони роҳ 612 ронандаи қонуншиканро ба ҷавобгарии маъмурӣ кашиданд, ки ин шумора нисбат ба ҳамин давраи соли гузашта 33 адад зиёд мебошад. Кормандони БДА дар 3 моҳи соли ҷорӣ 200 адад нақлиёти гуногунтамғаро аз муоинаи ҳатмии давлатии техникӣ гузарониданд.