Рушди нишондиҳандаҳои макроиқтисодӣ ва низоми бонкӣ муътадил аст

Апрель 23, 2013 14:25

Душанбе, 23 апрел. (АМИТ “Ховар”, Покиза Маҳмадбекова). Раванди рушди нишондиҳандаҳои макроиқтисодӣ ва низоми бонкии ҷумҳурӣ дар семоҳаи аввали соли 2013 дар сатҳи нисбатан муътадил қарор дошт. Аз рӯи иттилои Бонки миллии Тоҷикистон, ҳаҷми ММД дар ин давра ба 6,7 млрд. сомонӣ баробар шуда, суръати рушди воқеии он 7,3 фоизро ташкил намуд. Рушди муътадил дар бахшҳои асосии иқтисодиёти кишвар, аз ҷумла, дар соҳаи сохтмон — 13,3 фоиз, гардиши савдои чакана — 11,8 фоиз, хизматрасонӣ — 10,0 фоиз, истеҳсоли маҳсулоти кишоварзӣ — 7,6 фоиз ва маҳсулоти саноатӣ — 5,5 фоиз ба қайд гирифта шуд. Сатҳи таваррум дар давраи ҳисоботӣ 1,2 фоизро ташкил дода, дар муқоиса ба ҳамин давраи соли қаблӣ бетағйир монд. Нишондиҳандаи мазкур асосан аз ҳисоби болоравии нархҳои хизматрасонии пулакӣ — 3,5 фоиз, маҳсулоти хӯрокворӣ — 1,1 фоиз ва маҳсулоти ғайрихӯрокворӣ — 0,6 фоиз фоиз ба миён омад. Ҳамзамон сатҳи таварруми солона (барои 12 моҳи охир) 6,5 фоизро ташкил дода, нисбат ба ҳамин давраи соли гузашта 0,6 банди фоизӣ зиёд мебошад. Тибқи таҳлилҳои Бонки миллии Тоҷикистон сатҳи таварруми аслӣ дар ин давра 0,2 фоизро ташкил дод, ки дар муқоиса ба ҳамин давраи соли қаблӣ 1,0 банди фоизӣ кам мебошад. Таварруми аслии солона дар ин давра ба 1,5 фоиз расид, ки нисбат ба ҳамин давраи соли рафта 2,8 банди фоизӣ кам мебошад. БМТ дар моҳҳои январ-марти соли ҷорӣ сиёсати пулию қарзиро баҳри иҷрои сатҳи пешбинишудаи пулҳои захиравӣ, муътадилии ҳаҷми пул дар муомилот ва таъмини пардохтпазирии низоми бонкӣ равона намуд. Аз ин лиҳоз, бинобар муътадил будани вазъи иқтисодӣ ва низоми бонкии кишвар меъёри бозтамвил дар сатҳи 6,5 фоиз ва меъёри захираҳои ҳатмӣ бо пули миллӣ дар сатҳи 5,0 фоиз ва бо асъори хориҷӣ дар сатҳи 7,0 фоиз бетағйир нигоҳ дошта шуд. БМТ татбиқи сиёсати мутавозуни пулию қарзиро бо истифодаи босамари воситаҳои он ҷиҳати муътадил нигоҳ доштани ҳаҷми пул дар муомилот ва мусоидат намудан ба ҷараёни рушди устувори иқтисодиёт дар кишвар равона месозад.

Апрель 23, 2013 14:25

Хабарҳои дигари ин бахш

6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар якчанд кумита, Академияи миллии илмҳо, Агентии назорати давлатии энергетикӣ ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор мегардад
5 феврал дар якчанд кумита, Академияи миллии илмҳо, Агентии назорати давлатии энергетикӣ ва Мақомоти иҷроияи ҳокимияти давлатии шаҳри Душанбе нишасти матбуотӣ баргузор мегардад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
Имрӯз дар якчанд корхонаю идора нишастҳои матбуотӣ баргузор мегарданд
4 феврал дар якчанд корхонаю идора нишастҳои матбуотӣ баргузор мегарданд
Имрӯз дар Тоҷикистон ҳавои тағйирёбанда пешгӯӣ мешавад