Таъмини маъюбони ноҳияи Ғафуров бо аробачаҳо

Душанбе, 16 апрел. (АМИТ «Ховар», Баҳманёр Муродов).- 27 -нафар шахсони имконияташон маҳдуди ноҳияи Бобоҷон Ғафуров бо аробачаҳои маъюбӣ таъмин гардиданд. Бино ба иттилои Хадамоти матбуоти Раиси вилояти Суғд ин аробачаҳо бо маблағи умумии 17 ҳазор сомонӣ харид шудаанд, ки аз ин ҳисоб 12 ҳазор сомонии онро маблағҳои буҷаи ноҳия ва 5 ҳазор сомонии дигарро маблағгузории сарпарастон ташкил медиҳад. Гуфта мешавад ин аробачаҳо истеҳсоли Чин буда, онҳо аз дорухонаҳои махсусгардонидаи шаҳри Хуҷанд харида шудаанд. Ҳамчунин манбаъ афзудааст, ки то имрӯз дар ноҳия зиёда аз ҳазор нафар шахсони имконияташон маҳдуд ба қайд гирифта шуда, аксари онҳо бо чунин навъи аробачаҳо таъмин шудаанд.