Вазири маориф аз донишҷӯёни тоҷик ҳимоят кард

Душанбе, 2 апрел. (АМИТ «Ховар», Баҳманёр Муродов).-Вазири маорифи Ҷумҳурии Тоҷикистон Нуриддин Саидов бо ирсоли як нома аз роҳбарияи Донишгоҳи Астрахани Русия хоҳиш кардааст, то иҷоза бидиҳанд, ки донишҷӯёни тоҷик дар ин донишгоҳ таҳсили худро идома бахшанд. Дар ин бора сухангӯи Вазорати маорифи кишвар Маҳмудхон Шоев иттилоъ дода гуфтааст, ки ин чаҳор нафар Умедхӯҷа Додохӯҷаев, Собир Некқадамов, Шоҳрух Маҳмудов ва Аҳрор Нодиров бо ҷурми муноқиша ҳангоми бозии футбол бо донишҷӯёни туркман аз донишгоҳ хориҷ шудаанд. Аммо Вазорати маориф гуфтааст, ки донишҷӯёни тоҷик ба гуноҳи худро иқрор шуда, беҳтар аст, ки таҳсилашонро идома диҳанд. Донишҷӯёни тоҷик баъд аз хориҷ шудан аз донишгоҳ бо ирсоли нома аз Сафорати Тоҷикистон дар Русия ва Вазорати маорифи кишвар дар ҳалли ин қазия мадад хоста буданд.