Ғалабаи навбатии «Истиқлол» ва «Равшан»

Душанбе, 30 май. (АМИТ «Ховар»). – 29 май байни дастаҳои лигаи олӣ оид ба футбол ду вохӯрӣ баргузор шуд. Дастаи «Равшан» — и шаҳри Кулоб бо ҳисоби 1 бар 0 дастаи «Регар – ТадАз» — и шаҳри Турсунзодаро мағлуб сохт. Вохӯрии дастаи «Истиқлол» — и шаҳри Душанбе бо дастаи «Хуҷанд» бо ҳисоби 2 бар 0 ба фоидаи дастаи шаҳри Душанбе анҷом ёфт.Тавре ки аз Федератсияи футболи Тоҷикистон хабар доданд, баъди ин вохӯриҳо дастаҳои «Истиқлол» ва «Равшан» аз дастаи «Регар – ТадАз», ки дар ҷадвали мусобиқот ҷойи сеюмро ишғол менамояд, 11 холӣ зиёд доранд.