12 гектар замин барои бунёди иншооти варзишӣ

Шӯрообод, 27 май. (АМИТ «Ховар», С. Холов).- Мақомоти иҷроияи ҳокимияти давлатии ноҳияи Шӯрообод баҳри дастгирии ҷавонон ва дар руҳияи ватандӯстӣ, худшиносию худогоҳии миллӣ тарбия намудани онҳо, инчунин ҷалби ҷавонон ба намудҳои гуногуни варзиш пайваста кӯшиш ба харҷ дода, ба ҷавонон шароиҳои лозимӣ фароҳам меоранд. Раиси ноҳия Амирхон Икромов гуфт, ки бо ин мақсад дар айни ҳол барои бунёд намудани маҷмааҳои варзишӣ дар маркази ноҳия ба миқдори 12 гектар замин чудо шудааст, ки корҳои лоиҳакашии он идома доранд. Дар давоми солҳои охир барои рушди соҳаи варзиш дар ноҳия 1 толори варзишӣ ва беш аз 20 адад майдончаи варзишӣ бунёд гардида, мавриди истифода қарор доранд.