ҲХДТ сатҳи дониши ҷавононро баланд мебардорад

Душанбе, 20 май. (АМИТ «Ховар», Фарзона Достонзода). – Чанде пеш дар кумитаи иҷроияи Ҳизби халқӣ — демократии Тоҷикистон дар вилояти Суғд маросими ботантанаи супурдани шаҳодатномаҳо ба хонандагони курсҳои такмили ихтисос баргузор гардид. Тавре ки аз дафтари матбуоти раиси вилояти Суғд ба АМИТ «Ховар» хабар доданд, 49 нафар коргарону донишҷӯёни курсҳо шаҳодатнома гирифтанд. Мувофиқи суханони мудири шӯъбаи кумитаи иҷроияи ҲХДТ дар вилояти Суғд Сарфароз Юнусов, иштирокдорони курсҳо дар муддати се моҳ гузоришҳоро марбут ба бахшҳои сиёсӣ, иқтисодӣ, иҷтимоӣ, экологӣ шунида, ҳамчунин бо санадҳои қонунгузории ҶТ ва муоҳидаҳои байналмилалӣ шинос шуданд.Курсҳои таълимӣ ҳар сол бо ибтикори ҲХДТ ба манзури баланд бардоштани сатҳи дониши ҷавонон роҳандозӣ мешаванд. Соли гузашта 50 нафар ҷавонон курсҳои зикршударо хатм карданд.