Баргузории Шӯрои маорифи назди Кумитаи ҳамгироии Иттиҳоди иқтисодии Авруосиё

Душанбе, 21 май .(АМИТ «Ховар» Руқияи Боймамад).-21 майи соли 2013 дар шаҳри Душанбе ҷаласаи XXXIII Шўро оид ба маорифи назди Кумитаи ҳамгироии Иттиҳоди иқтисодии Авруосиё баргузор мегардад, ки дар кори он аъзои Шўро, коршиносони тарафҳо дар соҳаи маориф, намояндагони котиботи Кумитаи ҳамгироии Иттиҳоди иқтисодии Авруосиё, масъулони вазоратҳои маорифи давлатҳои аъзои Иттиҳод, намояндагони ташкилотҳои байналмилалӣ ширкат меварзанд.Дар кори Шўро 7 масъала, аз қабили ташкили Агентии рейтинги Иттиҳоди иқтисодии Авруосиё оид ба баҳодиҳии муассисаҳои таҳсилоти олии касбии давлатҳои аъзои Иттиҳод; дар бораи таҳлили қиёсии низоми миллии омода намудан, такмили ихтисос ва бозомўзии кадрҳои омўзгорӣ; дар бораи иҷрои нақшаи чорабиниҳои муштарак барои солҳои 2011-2013 ва солҳои минбаъда ва ғайра муҳокима мешавад.Дар ҷаласа котиби масъули Шўро аз сари нав таъйин мешавад ва ҳамзамон роҳҳои ташкили Агентии рейтинги Иттиҳоди иқтисодии Авруосиё оид ба баҳодиҳии муассисаҳои таҳсилоти олии касбии давлатҳои аъзои Иттиҳод муҳокима хоҳанд шуд.Дар назар аст, ки лоиҳаи Консепсияи Агентии рейтинги Иттиҳоди иқтисодии Авруосиё такмил дода шавад ва ҳамзамон ҷиҳати дар нимсолаи дуюми соли ҷорӣ баргузор намудани семинари байналмилалӣ оид ба мушкилоти такмили ихтисоси кадрҳои омўзгорӣ қарор қабул мешавад.Баргузории ҷаласаи навбатии Шўро дар нимсолаи дуюми соли 2013 дар Ҷумҳурии Беларус дар назар аст. 21 майи соли 2013 дар кохи «Ваҳдат» аз рўи натиҷаҳои кори Шўро оид ба маорифи назди Кумитаи ҳамгироии Иттиҳоди иқтисодии Авруосиё нишасти матбуотӣ баргузор мегардад.