Беҳтар гардидани шароити хонандагон дар Восеъ

Кӯлоб, 8 май. (АМИТ «Ховар», С. Холов).- Бо ташаббус ва дастгирии Президенти мамлакат Эмомалӣ Раҳмон таъмир ва навсозии хобгоҳи мактаб-интернати хонандагони лаёқатманди ноҳияи Восеъ моҳи июни соли ҷорӣ оғоз гардида, баъди таъмири пурра он бо тамоми ашёҳои зарурӣ муҷаҳҳаз мегардад. Маблағи умумии он беш 4 млн. 600 ҳазор сомониро дар бар мегирад. Дар айни ҳол дар мактаб – интернат 285 нафар хонанда ба таҳсил фаро гирифта шудааст, ки 120 нафари он дар хобгоҳ бо ҷои хоб таъминанд. Мавриди зикр аст, ки аксари хонандагон сокинони ноҳияҳои Муъминобод, Шӯрообод, Ховалинг, Балҷувон ва дигар ноҳияҳои минтақаи Кӯлоб буда, дар мактаб –интернат таҳсили илм менамоянд. Гуфта мешавад дар соли ҷорӣ чунин таъмиру навсозӣ дар мактаб-интернатҳои Кангурт,Арал ва шаҳри Кӯлоб низ дар назар дошта шудааст.