Чанд хабар аз хориҷи кишвар

Эълони (рӯйхати) номзадҳо ба интихоботи президентӣДушанбе, 22 май. (АМИТ «Ховар»). – Шӯрои ҳомиёни Қонуни асосии Эрон рӯйхати нафаронеро эълон намуд, ки ба интихоботи президенти кишвар роҳ пайдо намудаанд. Мутахассиси барномаи ҳастаӣ Сайид Ҷалилӣ, вазирони собиқ, ҳамчунин мушовири Оятулло Ҳаменеӣ ва раиси шаҳри Теҳрон аз ҷумлаи 8 нафар номзадҳо ба мансаби президент мебошанд.хххНамояндаи расмии Қасри Сафед Ҷей Карни зимни посух ба савол дар мавриди нисбат ба Сурия кор фармудани қувваи ҳарбӣ изҳор дошт, ки маъмурияти Иёлоти Муттаҳидаи Амрико ҳамаи усулҳои ҳалли ихтилофоти Сурияро баррасӣ намуда, вале бо роҳи сиёсӣ аз байн бурдани бӯҳронро қобили қабул мешуморад. хххБар асари таркиши газ дар яке аз биноҳои истиқоматии шаҳри Иркутски Федератсияи Русия сӯхтор ба амал омада, 4 нафар осеб дидааст. хххСобиқ раиси ҳукумати Гурҷистон Вано Мерабишвили бо айбдоркунӣ аз рӯи се модда дастгир шудааст. Ин сиёсатмадор ба ришва додан ба интихобкунандагон, аз худ кардани маблағ ва сӯйистеъмол аз ваколатҳояш гумон бурда мешавад.