Иқдоми ҲХДТ ба пешвози Рӯзи ҷавонон

Душанбе, 10 май. (АМИТ «Ховар», Баҳманёр Муродов).-Пагоҳ, 11 май бо ташаббуси Кумитаи иҷроияи ҲХДТ дар шаҳри Душанбе, ташкилотҳои ҳизбии ноҳияҳои Исмоили Сомониву Шоҳмансур ва Ташкилоти ҷамъиятии ҷавонон «Созандагони Ватан» ба пешвози Рӯзи ҷавонон дар шаҳри Душанбе аксияи «Насли созанда» баргузор мегардад. Бино ба иттилои сомонаи расмии ҲХДТ аксияи мазкур тибқи дастури раиси шаҳри Душанбе Маҳмадсаид Убайдуллоев амалӣ гардида, дар доираи он баргузории мусобиқаҳои варзишӣ, озмунҳо, барномаҳои фарҳангӣ бо иштироки ҳунармандони шинохта дар назар аст. Макони баргузории чорабиниҳо боғи фарҳангию фароғатии Садриддин Айнӣ (соати 9-30) ва боғи Роҳиоҳанчиён (соати 10-30) муайян шудааст.