Корвони тандурустӣ

Кӯлоб, 8 май. (АМИТ «Ховар», С. Холов).-Вазорати тандурустии ҷумҳурии Тоҷикистон дар шаҳри Кӯлоб машварати сайёри табибонро ташкил намуд, ки дар он беш аз 60 нафар мутахассисони баландихтисоси соҳа ташхиси сокинони минтақаи Кӯлобро ба таври ройгон анҷом доданд. Сокинон ин иқдоми Вазорати тандурустиро муфиду саривақтӣ арзёбӣ карданд, зеро ба гуфти онҳо бисёр бемориҳо дар як вақт ташхиси ду- се мутахассисро талаб мекунанд. Табибон дар баробари ташхис ба сокинон варақаҳои иттилоотӣ оид ба пешгирии бемориҳои сироятиро доданд.