Мӯйсафеди 68-соларо «Шевролет»-аш пахш кард

Душанбе, 7 май.(АМИТ «Ховар», Баҳманёр Муродов)-Сайминоҷиддин Абдулҳаеви 68- сола, сокини деҳаи Кулобаи ноҳияи Рашт, рӯзи 6-уми май зери чархи мошинаш монда, ҷон бохтааст. Бар пояи иттилои Вазорати корҳои дохилии кишвар Сайминоҷиддин Абдулҳаев мошини тамғаи «Нива-Шевролет»-ашро дар нишебии роҳ, дар мавзеи куҳсори Сари мазори деҳаи Кулоба гузошта, аз мошин фаромадааст, ки мошин худ аз худ ба ҳаракат даромадааст. Мӯйсафеди 68-сола хостааст, ки воситаи нақлиётро бо қувваи ҷисмонии худ манъ намояд, аммо дар натиҷа зери чархи пеши мошин монда, дар ҷойи ҳодиса ба ҳалокат расидааст.