Оғози мусобиқаи «Оянда ба ту вобаста аст!»

Душанбе,2 май. (АМИТ «Ховар», Фарзонаи Давлат)-Дар варзишгоҳи ноҳияи Шаҳринав марҳилаи аввали мусобиқаи муқаддамотии футболи хурд миёни кӯдакони мактаб-интернатҳои шаҳри Душанбе ва навоҳии тобеи марказ бо дастгирии ширкати «МегаФон Тоҷикистон» баргузор шуд.Тавре ки дар ин бора аз ширкати «МегаФон Тоҷикистон» хабар доданд, дар мусобиқа кӯдакони солҳои таваллуди 1998-2001 ширкат карданд.Дар даври аввал тими кӯдакон, донишомӯзони мактаб-интернати шаҳри Душанбе ва ноҳияи Шаҳринав бозӣ карданд ва тими шаҳри Душанбе бо ҳисоби 3 бар 2 пирӯз шуд. Дар даври дуввум тими навҷавонони мактаб-интернати ноҳияи Шаҳринав ва хонаи кӯдакони ноҳияи Турсунзода рақобат карданд, ки кӯдакони ноҳияи Шаҳринав бо ҳисоби 4 бар 2 пирӯзӣ ба даст оварданд. Ёдрас мешавем, ки ғолибони даври ниҳоии мусобиқаи футболи кӯчак соҳиби роҳхат ба Ҷоми «Оянда ба ту вобаста аст!», ки он дар шаҳри Сочии Федератсияи Русия баргузор мешавад, мегарданд.