Рушди ҳамкорӣ бо БРАО
Душанбе, 29 май. (АМИТ «Ховар», Покиза Маҳмадбекова). – 28 май дар шаҳри Душанбе вазири молияи Тоҷикистон Сафаралӣ Наҷмуддинов ва раиси намояндагии Бонки рушди АвруОсиё (БРАО) дар Тоҷикистон Рашид Қодиров масоили татбиқи лоиҳаю барномаҳои муштарак дар бахши гидроэнергетика ва кишоварзиро мавриди муҳокима қарор доданд. Тавре ки аз котиботи Вазорати молияи кишвар ба АМИТ «Ховар» хабар доданд, зимни мулоқот масоили расонидани ёрии техникӣ ва дастгирии буҷаи Тоҷикистон муҳокима шуданд. Ҷонибҳо натоиҷи аввали сафари расмии Президенти Тоҷикистон ба Ҷумҳурии Қирғизистонро, ки дар ҷараёни он баробари имзои ҳуҷҷатҳои дуҷониба бо Президенти Қирғизистон аз рӯи доираи васеи масоили муҳими дорои хусусияти дуҷониба, минтақавӣ ва байналмилалӣ табодули муфиди афкор баргузор гардид, қайд намуданд. Мусоҳибон ҳамчунин самтҳои ояндадори барномаҳои муштарак барои соли 2013 ва масоили танзими муносибатҳои Тоҷикистон бо Бонки рушди АвруОсиё ва созмонҳои дигари молию бонкии байналмилалиро мавриди муҳокима қарор доданд.
6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
