Таҷлили Рӯзи Ҷумҳурии Озарбойҷон

Душанбе, 27 май. (АМИТ «Ховар», Марҳабо Зунунова). – 28 май дар Озарбойҷон Рӯзи Ҷумҳурӣ таҷлил мешавад. Ба ин муносибат Сафорати Ҷумҳурии Озарбойҷон дар Ҷумҳурии Тоҷикистон маҷлиси қабул орост, ки дар он вазири корҳои хориҷии ҶТ Ҳамрохон Зарифӣ, роҳбарони намояндагиҳои дипломатии муқими Ҷумҳурии Тоҷикистон, ходимони намоёни фарҳанг ва илму маорифи кишвар, кормандони сохторҳои давлатӣ ва журналистон ширкат доштанд. Сафири Озарбойҷон дар Ҷумҳурии Тоҷикистон Е.Аббосалӣ Каримоғлӯ Ҳасанов ба ҳозирон аз таърихи ин санаи фархундаи мардуми Озарбойҷон нақл кард. Вазири корҳои хориҷии ҶТ Ҳамрохон Зарифӣ зимни суханрониаш дастовардҳои муносибатҳои Тоҷикистону Озарбойҷонро қайд намуда, саҳми шахсии Сафири Ҷумҳурии Озарбойҷон дар Тоҷикистон Каримоғлӯ Ҳасановро дар рушди ин муносибатҳо хотирнишон сохт. Мавсуф ҳамчунин ҳозиронро аз номи Ҳукумати Тоҷикистон бо ин санаи фарҳундаи таърихи халқи Озарбойҷон муборакбод намуд.