Юҷин Сепуй 6 моҳ ба майдон намебарояд

Душанбе, 20 май. (АМИТ «Ховар», Баҳманёр Муродов).- Дар бозии охирини даври ҳафтуми мусобиқаи қаҳрамонии Точикистон миёни дастаҳои лигаи олӣ “Истиқлол”-и Душанбе «Парвоз»- Бобоҷон Ғафуровро рӯзи якшанбе, 19-уми май бо ҳисоби 2:0 мағлуб кард.  Бар пояи хабари ФФТ ин бозӣ дар варзишгоҳи «Фурудгоҳ» -и ноҳияи Бобоҷон Ғафуров баргузор шуда, дар дақиқаи 4-ум легионери «Истиқлол» аз Уганда Юҷин Сепуй лат бардоштаву пас аз анҷоми бозӣ ба Маркази миллии тиббии Душанбе интиқол дода шуда, рӯзи сешанбе дар ҳамон марказ ҷарроҳиро паси сар мекунад ва гуфта мешавад, шаш моҳи дигар—то сиҳат шуданаш ба майдон намебарояд. Ҳамакнун дар ҷадвали мусобиқоти қаҳрамонии кишвар байни дастаҳои лигаи олӣ дастаи “Истиқлол”-и Душанбе дар ҷойи аввал қарор дошта, зинаҳои дуюму сеюмро “Равшан”-и Кӯлоб ва “Регар-ТадАЗ”-и Турсунзода мақоми дуюму сеюмро касб кардаанд.