Ҳафтаи кинои Украина дар Душанбе

Душанбе, 5 июн (АМИТ «Ховар» Зарангез Латифова).- Дар доираи Рӯзҳои фарҳанги Украина дар Тоҷикистон дар шаҳри Душанбе Ҳафтаи кинои Украина доир мешавад. Рўзи 25 июн, соати 17-00 намоиши филми «За двумя зайцами» ва рўзи 26 июн, соати 15-00 филми «В бой идут одни старики» дар Кохи «Ҷомӣ» ба нақша гирифта шудааст. Ҳамчунин бегоҳии 25 июн дар майдони Парчами Миллӣ барномаи консертӣ ташкил мешавад.Маросими ботантанаи Рўзҳои фарҳанги Украина ва консерти муштараки ҳунармандони Тоҷикистону Украина 26 июни соли 2006, соати 18-00 дар Театри давлатии академии опера ва балети ба номи С.Айнӣ доир мегардад. Дар ин бора ба хабарнигори АМИТ «Ховар» Раҳматулло Раҳматуллоев, котиби матбуотии Вазорати фарҳанги ҷумҳурӣ иттилоъ дод.