Ҷамъбасти натиҷаи озмуни тарроҳон

Қӯрғонтеппа, 20 июн. (АМИТ «Ховар», Мурод Сотиев). – Дар шаҳри Қӯрғонтеппа натиҷаи озмуни тарроҳон ҷамъбаст гардид. Тавре ки роҳбари маркази иттилооту таҳлил ва таҳсилоти «Матэма» Зафар Ализода ба мухбири АМИТ «Ховар» хабар дод, озмун дар ҳошияи лоиҳаи Пажӯҳишгоҳи «Ҷомеаи кушода» — Бунёди мадад ба Тоҷикистон роҳандозӣ шуд. Дар ҳошияи лоиҳаи мазкур 20 нафар иштирокдорони он курсҳои махсусро хатм карда, 14 нафарашон дар озмун иштирок намуданд. Аз рӯи натиҷаи озмун се нафар тарроҳҳони беҳтарин интихоб гардиданд.Дар озмун намояндагони маъмурияти вилояти Хатлон ва мутахассисони Пажӯҳишгоҳи технологияҳои компютерӣ, раёсати кор бо ҷавонон ва донишҷӯёни донишкадаҳои олӣ ширкат доштанд.