Ҷамъбасти натиҷаи рушди иҷтимоию иқтисодӣ

Қӯрғонтеппа, 14 июн. (АМИТ «Ховар», Мурод Сотиев). – Дар машварати намояндагони маъмурияти вилояти Хатлон натиҷаи рушди иҷтимоию иқтисодии вилояти Хатлон тайи 5 моҳи соли равон ҷамъбаст гардид. Раиси вилояти Хатлон Ғайбулло Авзалов зимни суханрониаш зикр намуд, ки нишондодҳо аз рӯи ҳамаи соҳаҳои иқтисодиёти вилоят рушду густариш меёбанд. Мавсуф фаъолияти мақомоти андози ноҳияи Шаритусро интиқол намуда, гуфт, ки аз ҷумлаи 25 шаҳру ноҳияи вилоят нақшаҳои бахши андоз фақат дар ин ноҳия иҷро нашудаанд. Дар машварат ҳамчунин масоили таҳияи хӯроки чорво, ҷамъоварии ғалла хусусан дар минтақаҳои кӯҳсори вилоят, содироти маҳсулоти кишоварзӣ, омодагии истироҳатгоҳҳои кӯдакон ва таъмири роҳҳои мошингард мавриди муҳокима қарор гирифтанд.