Бунёди бинои 9 ошёна ба муаллимони литсейи президентӣ

Кӯлоб, 18 июн. (АМИТ «Ховар», С.Холов). – Дар шаҳри Кӯлоб бо сарпарастии дирексияи сохтмони асосии Дастгоҳи иҷроияи Президенти мамлакат сохтмони бинои литсейи президентӣ барои 640 хонанда идома дорад. Инчунин, дар ин мавзеъ бинои истиқоматӣ барои омӯзгорони ин литсей низ бунёд гашта истодааст, ки он аз 9 ошёна ва 36 ҳуҷра иборат хоҳад буд. Мавриди зикр аст, ки дар корҳои сохтмонии бино беш аз 60 нафар сохтмончӣ ҷалб гардида, музди миёнаи онҳо аз 800 то 1000 сомониро ташкил медиҳад. Гуфта мешавад бинои истиқоматии омӯзгорон то охири моҳи августи соли ҷорӣ ба истифода дода хоҳад шуд.