Чаро муҳоҷиронро ихроҷ мекунанд?

Душанбе, 26 июн. (АМИТ «Ховар», Ибодат Давлатова).-26 июни соли ҷорӣ се нафар шаҳрвандони ҷумҳурӣ, ки дар шаҳрҳои Москва ва Екатеринбурги Федератсияи Россия кору фаъолият менамуданд, бинобар сабаби вайрон намудани қонунҳои Федеролӣ аз қаламрави ин кишвар маҷбуран берун карда шуданд.  Ба иттилои корманди Хадамоти муҳоҷират дар Фурудгоҳи байналмилалии Душанбе Алишер Шамсиддинов шаҳрвандон — Каримҷон Ҳакимов, Умедҷон Латипов ва Исо Бобиев аз қаламрави Руоссия берун карда шуданд. Зимни суҳбат маълум гардид, ки ҳамаи онҳо қонунҳои Федератсияи Россияро дар самти муҳоҷирати меҳнатӣ — иҷозаи кор, патент, бақайдгирӣ ва ғайраро вайрон намудаанд ва бо қарори суд маҷбуран берун карда шудаанд. Дар ин бора ба мухбири АМИТ «Ховар» аз Хадамоти муҳоҷират хабар доданд.