Хадамоти муҳоҷират муроҷиати шаҳрвандонро қонеъ мегардонад?

Душанбе, 14 июн. (АМИТ «Ховар», Ибодат Давлатова).-Давоми панҷ моҳи аввали соли 2013 ба бахши қабул ва маслиҳатдиҳӣ ба муҳоҷирони меҳнатии Хадамоти муҳоҷират 1903 нафар шаҳрвандон муроҷиат кардаанд. Аз Хадамоти муҳоҷират ба АМИТ «Ховар» иттилоъ доданд, ки аз ин шумора 335 нафар оид ба санҷиши депортатсия, 38 нафар барои гирифтани иҷозати кор ва патент, 44 нафар оид ба вакансияҳои ҷойҳои кори холӣ дар хориҷа, 22 нафар оид ба тартиби барасмиятдарории ҳуҷҷатҳо, 639 нафар оид ба навоварӣ дар қонунгузории муҳоҷирати Федератсияи Русия, 47 нафар бо аризаҳои хаттӣ оид ба пардохти музди меҳнат, бедарак гаштани хешовандони наздик ва овардани онҳо ба Ватан, ғайриқонунӣ ба Ватан аз Федератсияи Россия баргардонидан, барои таъмин кардан бо ҷойи кор дар Федератсияи Русия ва 778 нафар тариқи телефони боварии шабонарӯзӣ муроҷиат намуданд. Ба муроҷиаткунандагон аз тарафи кормандони масъул маслиҳатҳои ҳуқуқӣ дода шуда, ба ҳар яки онҳо 10 намуд маводи иттилоотӣ оид ба қонунгузории нави Федератсияи Русия тақдим шудааст.