Иштироки О. Оқилов дар ҷаласаи Шӯрои сарони ҳукуматҳои ИДМ

Душанбе, 4 июн. (АМИТ «Ховар», Дилшодаи Хайруллоҳ) .- Дирӯз Оқил Оқилов, Сарвазири Тоҷикистон бо сарвазири Беларус Михаил Мясникович дар шаҳри Минск дар доираи ҷаласаи навбатии Шӯрои сарони ҳукуматҳои ИДМ мулоқот кард.  Дар мулоқот муносибатҳои иқтисодии ду кишвар мавриди баррасӣ қарор гирифта, ҳар ду тараф барои ривоҷ додани муносибатҳо изҳори умедворӣ карданд.«Манфиатҳои ду кишвар дар ин самт ба ҳам мутобиқат мекунанд ва бо кӯмаки ҳамдигар метавон онро боз ҳам рушд дод, зикр намуд Михаил Мясникович, сарвазири ин кишвар зимни мулоқот.Дар навбати худ Сарвазири Тоҷикистон Оқил Оқилов зикр кард, ки: «Метавон муносибатҳои ду кишварро дар доираи Иттиҳоди Давлатҳои Мустақил низ рушд дод».Бояд гуфт, ки Оқил Оқилов барои иштирок дар ҷаласаи навбатии Шўрои сарони ҳукуматҳои ИДМ 30-юми май бо як ҳайати воломақом ба шаҳри Минск, пойтахти Беларус сафар кард.