Муҳоҷирони меҳнатиро чаро берун мекунанд?

Душанбе, 18 июн. (АМИТ «Ховар», Музаффар Рустамов).–Имрӯз 17 нафар шаҳрвандони Тоҷикистон, ки дар шаҳрҳои Маскав, Санкт-Петербург ва Нижний Новгороди Федератсияи Русия кору фаъолият мекарданд, бинобар сабаби вайрон намудани қонунҳои Федеролӣ аз қаламрави ин кишвар маҷбуран берун карда шуданд.  Шуъбаи робита бо ҷомеаи Хадамоти муҳоҷирати назди Ҳукумати Тоҷикистон иттилоъ медиҳад, ки пеш аз сафар ба Федератсияи Русия шаҳрвандонро зарур аст, ки ба бахши қабул ва маслиҳатдиҳии Хадамоти муҳоҷират муроҷиат намуда, мушкилот ва проблемаҳои худро доир ба берункунӣ (депортатсия) ва дигар масъалаҳои мавҷуда ҳаллу фасл намоянд. Ҳамчунин, пеш аз сафар бояд аз тағйиру иловаҳо дар қонунҳои Федеролии Русия бохабар шаванд . Ҳангоми ворид шудан ба қаламрави Русия иҷозаи кор, патент ё қайди муввақатиро бигзаранду баъдан озодона кору фаъолият намоянд.