Мулоқоти Оқил Оқилов бо Лора Пак

Душанбе, 4 июн. (АМИТ «Ховар», Дилшодаи Хайруллоҳ) .- Сарвазири Ҷумҳурии Тоҷикистон Оқил Оқилов бо директори минтақавии Бонки ҷаҳонӣ оид ба стратегия ва амалиёт дар Аврупо ва Осиёи Марказӣ хонум Лора Пак мулоқот кард.Оқил Оқилов изҳор дошт, ки Ҳукумати Ҷумҳурии Тоҷикистон ба ҳамкориҳо бо Бонки Ҷаҳонӣ дар соҳаҳои ояндадори иқтисодию иҷтимоии Ҷумҳурии Тоҷикистон таваҷҷуҳ зоҳир намуда. барои тақвияти раванди ин ҳамкориҳо тадбирҳои заруриро амалӣ менамояд.Тавре ки таъкид гардид, Бонки Ҷаҳонӣ аз шарикони асосии молиявии Ҷумҳурии Тоҷикистон ба ҳисоб рафта, дар соли 2012 байни Тоҷикистон ва бонки мазкур 7 созишномаи ҳамкорӣ дар ҳаҷми беш аз 90 миллион доллари амрикоӣ ба имзо расидааст.Ҷонибҳо дар мулоқот барои боз ҳам беҳтар гардидани муносибатҳои дуҷониба дар соҳаҳои афзалиятнок таклифу пешниҳодҳои судманд баён доштанд.