Мусобиқаи мубоҳисавӣ «Ҷоизаи бозори озод — Бадахшон 2013»

Душанбе, 7 июн. (АМИТ «Ховар», Музаффар Рустамов). – 16 июни соли 2013 Маркази бозори озоди Тоҷикистон бо ҳамкорӣ ва дастгирии молиявии Институти «Ҷамъияти Кушода» — Бунёди Мадад дар Тоҷикистон, Фонди Фридрих Науманн ва Фонди пажуҳишҳои иқтисодии «Атлас» аввалин маротиба мусобиқаи мубоҳисавии минтақавӣ «Ҷоизаи бозори озод — Бадахшон 2013»-ро, ки ба мавзуъҳои иқтисодӣ — масоили андозбандӣ, танзими давлатии иқтисодӣ, савдои байналмилалӣ бахшида шудааст, барои ҷавонони Вилояти Мухтори Куҳистони Бадахшон дар шаҳри Хоруғ баргузор мекунад. Ҳадаф аз чорабинии мазкур афзун кардани донишҳои иқтисодии ҷавонон тавассути гузаронидани мубоҳисаҳо дар мавзуъҳои алоҳида мебошад. Мусобиқа аз рӯйи шакли парламентии амрикоӣ сурат мегирад.Мусобиқаи мубоҳисавӣ дар шаҳри Хоруғ бо суроғаи к. Ленин 109, Маркази ҷавонон ВМКБ баргузор мегардад. Оғоз соати 09:00