Наврасони «Истиқлол» — қаҳрамонони пойтахт

Душанбе, 28 июн. (АМИТ «Ховар»). – Дар варзишгоҳи «Ориён» мусобиқот оид ба футбол байни дастаҳои наврасони соли таваллудашон 2000 ва 2001 анҷом ёфт. Дар вохӯрии якуми нимфиналӣ футболбозони ҷавони мактаби ҷумҳуриявии варзиш ва дастаи «Истиқлол» вохӯрданд. Бозӣ бо ҳисоби 4 бар 2 ба фоидаи футболбозони ҷавони дастаи Истиқлол» анҷом ёфт. Дар вохӯрии дуюми нимфиналии байни дастаҳои «Солор» ва «Ҳоҷи Шариф» дастаи «Солор» бо ҳисоби 2 бар 1 ғалаба кард. Дар вохӯрии финалӣ дастаҳои «Истиқлол» ва «Солор» қувваозмоӣ намуданд. Ин вохӯрӣ бо ҳисоби 1 бар сифр ба фоидаи дастаи «Истиқлол» анҷом ёфт.