Рушди ҳамкорӣ

Душанбе, 20 июн. (АМИТ «Ховар», Кристина Эрлих). – 19 июн дар Академияи таҳсилоти Тоҷикистон президенти академия Ирина Каримова ва ноиби аввали ректори Донишкадаи политехникии Новочеркасски Федератсияи Русия Николай Горбатенко шартномаи ҳамкории байналмилалӣ аз рӯи масоили рушди таҳсилоти омӯзгориро имзо намуданд. Дар ин бора аз Академияи таҳсилоти Тоҷикистон ба мухбири АМИТ «Ховар» хабар доданд. Мувофиқи суханони манбаъ, дар шартнома роҳандозии фаъолияти муштараки илмию тадқиқотӣ ва ҷиҳатҳои дигари кори якҷоя, ҳамчунин тарҳрезӣ ва татбиқи лоиҳаҳои тадқиқотӣ, мубодилаи барномаҳои такмили ихтисос ва бозомӯзии кадрҳои педадгогӣ пешбинӣ шудааст.