«Садо» Душанберо бесадо мекунад?

Душанбе, 25 июн. (АМИТ «Ховар», Лутфия Эшонқулова).- Бо мақсади пешгирии ҳолатҳои истифодабарии таҷҳизоти махсуси садодиҳанда, махсусан аз ҷониби ҷавонон дар кӯчаю роҳҳои автомобилгарди шаҳри Душанбе, ки боиси норозигии шаҳрвандон ва халалдор гаштани оромӣ мегардад, аз санаи 25 июн то 5 июли соли ҷорӣ дар ҳудуди шаҳри Душанбе амалиёти «Садо» гузаронида мешавад.Тавре ки сомонаи расмии ВКД хабар медиҳад, амалиёти мазкур бо ташаббуси ШБДА РВКД дар шаҳри Душанбе роҳандозӣ шуда, бо мақсади таъсирбахш гузаронидани он аз шаҳрвандон хоҳиш мешавад, ки дар ҳолати мушоҳида намудани истифодабарии ғайриқонунии таҷҳизоти махсуси садодиҳанда дар воситаҳои нақлиёт ва садо додани овози гушхарош дар назди даҳлезҳои биноҳо ва ҳавлиҳои истиқоматӣ бо телефонҳои боварии ШБДА РВКД дар шаҳри Душанбе: 221-00-46, 221-00-16, дар тамос шаванд.