Саховатмандиҳои ҳимматбаландон

Турсунзода, 3 июн. (АМИТ «Ховар», Ҳотам Рабиев).- Вобаста ба ҳалли мушкилиҳои ҷойдоштаи ҷомеа баъзе шахсони саховатманде ҳастанд, ки баҳри рафъи камбудиҳо саҳми арзанда доранд. Сокини деҳаи Гулбуттаи ҷамоати Қаратоғи шаҳри Турсунзода Абдусалом Калонов аз масофаи панҷ ҳазор метр оби чашмаро ба назди сокинони деҳа овард. Акнун барои ҳамдеҳагонаш мушкилоти нарасидани об ба куллӣ рафъ гардид. Хушбахтона, дар ҷамоати номбурда чунин шахсони ҳимматбаланд хеле зиёданд. Сокини деҳаи Шӯрхоки ҷамоати мазкур Абдусаттор Қодиров барои таъмири роҳи деҳаашон чор ҳазор доллари амрикоӣ масраф намуд.