Ташкили мактаби “Лидерони ҷавон”

 Душанбе, 12 июн. (АМИТ «Ховар», Дилшодаи Хайруллоҳ) .- Ҳизби Халқии Демократии Тоҷикистон дар ҳамбастагӣ бо Ташкилоти ҷамъиятии ҷавонон «Созандагони Ватан» аз 12 то 15 июни соли равон мактаби «Лидерони ҷавон»-ро ташкил мекунанд. Дар курси кӯтоҳмуддати омӯзишии мазкур роҳбарони намояндагии Ташкилоти ҷамъиятии ҷавонон «Созандагони Ватан» аз шаҳру ноҳияҳои ҷумҳурӣ ва аъзоёни фаъоли ҲХДТ ҷалб мешаванд. Дар мактаби мазкур ба ҷавонон коршиносону мутахассисони соҳаҳои сиёсат, иқтисодиёт, ҳуқуқ ва ғайраҳо дарс мегӯянд Инчунин дар доираи ин курс баргузории Конференсияи II «Созандагони Ватан» баргузор мегардад, ки дар он роҳбарият, Шӯрои марказӣ ва Комиссияи назоратӣ — тафтишотии ТҶҶ «Созандагони Ватан» аз нав интихоб мешаванд.