Вазъи сиёсиву иқтисодии Суғд дар меҳвари мулоқотҳои М. Мюллер

Душанбе, 26 июн.(АМИТ «Ховар»,Фарзона Достонзода).-25 июн роҳбари дафтари Созмони амният ва ҳамкорӣ дар Аврупо дар Тоҷикистон Маркус Мюллер бо як сафари корӣ ба вилояти Суғд ташриф овард.Роҳбари дафтари САҲА дар Тоҷикистон нахуст бо муовини якуми раиси вилояти Суғд Ҷумъабой Сангинов мулоқот орост.Тавре ки ба АМИТ «Ховар» аз хадамоти матбуоти раиси вилояти Суғд хабар доданд, дар мулоқот ҷонибҳо аз густариши равобит миёни Ҷумҳурии Тоҷикистон ва Созмони амният ва ҳамкорӣ дар Аврупо сухан карда, перомуни вазъияти сиёсӣ ва иқтисодиву иҷтимоии вилояти Суғд, таъсиси ҷойҳои корӣ барои занону ҷавонон, масоили гендерӣ ва ғайра суҳбат намуданд.Мавриди зикр аст, ки Маркус Мюллер дар идомаи сафари худ бо раиси шаҳри Хуҷанд Раҷаббой Каримов низ мулоқот намуда, аз минтақаи озоди иқтисодии «Суғд» боздид ба амал меовард.