Қайди 42 ҳазору 151 никоҳ дар 6 моҳ

Душанбе, 24 июл. (АМИТ «Ховар», Баҳманёр Муродов).-Дар шашмоҳаи аввали соли равон аз ҷониби мақомоти сабти асноди ҳолати шаҳрвандӣ дар Тоҷикистон 218 ҳазору 856 аснод, аз ҷумла 96 ҳазору 917 сабти таваллуд ва 42 151 ақди никоҳ ба қайди давлатӣ гирифта шудаанд. Ин нукта дирӯз, 23-юми июл дар нишасти хабарии Вазорати адлияи кишвар таъкид гардид. Ҳамчунин гуфта шуд, ки дар ин давра 57 никоҳи шаҳрвандони Тоҷикистон бо шаҳрвандони хориҷӣ ба қайд гирифта шудааст.Ба гуфтаи Равшана Умарова, сардори Раёсати сабти асноди шаҳрвандии Тоҷикистон шаҳрвандони тоҷик дар аксар маврид бо сокинони кишварҳои ҳамсоя никоҳ бастаанд.