Ҷавони 21-сола ҳамсарашро бо корд кушт

Душанбе, 5 июл. (АМИТ «Ховар»).-Аз ҷониби кормандони ШВКД дар ноҳияи Ғончӣ рӯзи 4-уми июл шаҳрванд Давлатулло Сироҷиддинов ба гумони даст доштан ба куштор дастгир карда шуд. Дар ин бора сомонаи расмии Вазорати корҳои дохилии кишвар иттилоъ дода, навиштааст, ки Давлатуллои 21-сола, сокини ҷамоати деҳоти Исмоили Сомонии ноҳияи Ғончӣ дар хонаи истиқоматии худ бо ҳамсараш Адиба Ҳасанзодаи Абдукарим, соли таваллудаш 1992-юм, ҷанҷол намуда, бо корди хоҷагии дар дасташ буда, се маротиба ба тарафи чапи гардани ӯ мезанад. Дар натиҷа Адиба пас аз бардоштани ҷароҳатҳои вазнини ҷисмонӣ дар ҷойи ҳодиса ба ҳалокат мерасад. Гуфта мешавад, ки нисбати ҳодисаи мазкур парвандаи ҷиноӣ оғоз гардида, тафтишот идома дорад.