62 бозёфти Хазинаи Омударё

Душанбе, 22 июл. (АМИТ «Ховар», Зарангез Латифова).-Мутахассисони вазорат вобаста ба ифтитоҳи бинои нави Осорхонаи миллии Тоҷикистон ва бахусус бо сифати баланд таҳия намудани Харитаи ёдгориҳои Тоҷикистон, Толори Буддо, симоҳои шахсиятҳои таърихии гузашта барои толори таърихи қадим, варақаи «Рустамнома», нусхаҳои 62 бозёфти Хазинаи Омударё, муҷассамаҳои шахсиятҳои таърихӣ саҳмгузорӣ намуданд, зикр намуд вазири фарҳанги ҷумҳурӣ Мирзошоҳрух Асрорӣ имрӯз зимни нишасти хабарӣ.Инчунин аз ҷониби экспертизаи таърихию фарҳангӣ ҷамъулҷамъ 138 ташхис доир гардид, ки 47-тои онҳо мансуб ба пешгирии маводи фаҳш мебошад. Ин шумора нисбат ба соли гузашта 31 экспертиза зиёд аст. Роҷеъ ба сарватҳои фарҳангӣ 2 ташхис доир карда шуд, илова намуд М. Асрорӣ.Маврид ба ёдоварист, ки аз ҷониби Муассисаи давлатии «Тоҷик МДМЁ» зимни маблағҳои буҷавӣ зиёда аз 1190707 сомонӣ корҳо дар ёдгориҳои хона-музеи Юсуф Мирфаёзов, Қалъаи Балҷувон, Мақбараи А.Рўдакӣ, Мадрасаи Кўҳнаи Қалъаи Ҳисор, Қалъаи Муъминобод, Ҳулбуки ноҳияи Восеъ, Осорхонаи миллӣ иҷро шуданд, ки зиёда аз 281000 сомонӣ тибқи Барномаи давлатӣ ва 738000-и он аз дигар манбаъҳо мебошанд.