А. Ширинов: Вазъияти «Агроинвестбонк» хуб аст

Душанбе,23 июл. (АМИТ «Ховар», Фарзонаи Давлат).- Фаъолияти феълии «Агроинвестбонк» баъди дастгирии ҳукумат муътадил аст. Ин нуктаро Абдуҷаббор Ширинов, раиси Бонки миллии Тоҷикистон имрӯз, 23-юми июл зимни ҳисоботи шашмоҳа ба хабарнигорон иттилоъ дод.Бино ба иттилои манбаъ, «Агроинвестбонк», ки асосан ба соҳаҳои истеҳсолӣ аз ҷониби ҳукумат барои қарздиҳӣ муваззаф гардида буд, дар ду- се соли охир ба бад шудани ваъзи моляви дучор шуд. Бо дастгирии ҳукумат ин мушкилӣ имсол паси сар шуд ва ҳоло фаъолияташро бо мизоҷон хуб ба роҳ мондааст.Сабаби бад шудани ваъзи молявии бонк дар он буд, ки мизоҷон асосан барои рушди соҳаҳои нассоҷӣ, боғпарварӣ, парандапарвариву чорводорӣ қарз гирифтанд ва ба ҳисоби миёна баргардонидани қарзҳои онҳо на кам аз се солро талаб мекунад. Аз ҷониби бонк қарзҳои дарозмуддат ва бо фоизи кам дода мешаванд, афзуд А. Ширинов.Бино ба иттилои мавсуф, дар соли гузашта кишвар пурра бо тухм ва гӯшти мурғи маҳаллӣ таъмин гардид ва инчунин соҳаи нассоҷӣ дар семоҳаи чоруми соли гузашта наздик ба 30 дарсад афзуд, ки ин самараи маблағҳои ҳамин бонк мебошад.