Азнавсозии утоқҳои маркази зиддисилии шаҳри Кӯлоб

Кӯлоб, 3 июл. (АМИТ «Ховар», Сулаймон Холов).- Бо ташаббуси роҳбарияти беморхонаи вилоятии зидди бемориҳои сили минтақаи Кӯлоб ва бо мақсади пешгириву табобати бемории сил, инчунин беҳтар намудани шароити беморон дар шуъбаҳое, ки дар ҳолати саддамавӣ қарор доштанд, корҳои таъмиру барқарорсозӣ шуруъ гардидааст. Тибқи иттилои директори марказ Раҳматулло Ҷумъаев масъулин тасмим гирифтанд, ки баъди ба анҷом расидани таъмири шуъбаҳо ба таъмири умумии шуъбаҳои якум ва дуюми амрози даруна ва шуъбаи кӯдакона оғоз намоянд. Гуфта мешавад, маркази зидди бемории сил дорои 2 гектар замини хоҷагии ёрирасон буда, дар он сабзавот ва зироатҳои полезӣ кишт карда шудааст, ки аз маҳсулоти он беморону табибони беморхона истифода мебаранд.